PLANETAREN ORDUA

HEMAN PLANETARI ORDU BAT!

Sinboloa baino gehiago, ingurumenaren eta pertsonen aldeko mugimendu globala da.
Planetaren Ordua Sidneyn jaio zen 2007an, klima-aldaketaren arazoaz ohartarazteko keinu sinboliko gisa. Keinu sinple bat, eraikin eta monumentuetako argiak ordubetez itzaltzean datzana. Gaur egun, milioika pertsona mobilizatzen ditu ia 200 herrialdetan urtean behin martxoan zehar. Aurtengoa martxoaren 23a izango da, larunbata.

2023 inoizko urterik beroena izan da erregistroak daudenetik. Tenperatura globalaren igoera horrek muturreko fenomeno meteorologikoak ekarri ditu, hala nola uholdeak, bero-boladak eta gero eta ohikoagoak diren sute suntsitzaileak.

Krisi klimatikoaren ebidentziak soberan daude, eta, testuinguru horretan, Planetaren Orduak aukera ematen du ingurumenaren degradazioagatik eta jarduteko beharragatik duzun kezka erakusteko.

Egun honetan, natura gure bizi-euskarriko sistema dela gogorarazten digu, behar dugun guztia eskaintzen diguna, arnasten dugun airetik edaten dugun ureraino eta jaten ditugun elikagaietaraino. Eta gure planetaren osasuna eta, era berean, gure osasuna eta ongizatea babesteko natura defendatu behar dugula.

Bestelako ekimenak ere badira, gustukoa dugun zerbait egitea aukeratuz, Planetaren alde jokatzeko aukera ematen digutenak.

https://horadelplaneta.wwf.es/ciudadania/